विर्य परिक्षणमा, मेरो बुबा ।

कवी: प्रशान्त महासागर

जीवनमा म डाक्टर बन्न चाहेको थिएँ

ईन्जिनियरको लागि पनि कोशिस गरेको थिएँ

पाइलट बन्छु भनी कागजको

हवाईजहाजहरु बनाउन सिकेको पनि थिएँ

धन्न ! मेरो

चाहना,

प्रयास,

मेहनत

सबै फेल भए

मेरो असफलता देखेर

डर लागेर

विर्य परिक्षणमा हिड्नु भएको मेरो बुबा

मुस्कुराउँदै फर्किनु भो

अनि

भन्नु भो “छोरा ! तिमी त सक्कली नै रहेछौ

न तिमी नक्कलको समर्थनमा गयौ

न त नाजायज भन्न मानवबादी नै भयौ

जे बन्यौ

जहाँ पुग्यौ

आफ्नै पद छापमा रमियौ

बाँच्नलाई छाती चौडा ग¥यौ

मुटु दरिलो, बाटोलाई निरन्तरता दियौ

अभाव होला

त्यो त जीवन जिउन सिकाउने कुरा हो

जुन बुझ्यौ पनि

मेरो वीर्यलाई नक्कली हुन दिएनौं पनि...”

एक छिनको लागि अकमक भएँ । 

 

 २०७३०३०८

(अन्तमा: आमाबुबाहरुले, आफ्नो विर्य पनि नक्कली नै प¥यो कि...भनी चेक गराउने दिनको सामना गर्न नपरोस् । )